Keçid linkləri

2017, 18 Dekabr, Bazar ertəsi, Bakı vaxtı 07:08

Gürcüstanın baş naziri hökumətdə dəyişikliklər apardığını, bir neçə nazirliyi ixtisara saldığını bildirir. Bu, xərclərin azaldılması, səmərəliliyin artırılmasıyla izah olunur.

Baş nazir Giorgi Kvirikashvili noyabrın 13-də Tbilisidə jurnalistlərə deyib ki, dörd nazirlik – enerji; ətraf mühit və mineral resurslar; idman və gənclər; penitensiar xidmət – uyğun olaraq iqtisadiyyat; kənd təsərrüfatı, mədəniyyət və ədliyyə nazirliklərinə birləşdiriləcək.

Kvirikashvili onu da deyib ki, iqtisadiyyat naziri Giorgi Gakharia daxili işlər naziri və baş nazirin müavini olacaq; maliyyə naziri Dimitri Kumsishvili iqtisadiyyat naziri postuna keçəcək və baş nazirin müavinliyində də qalacaq.

Baş nazir onu da bildirib ki, Gürcüstan Dəmiryollarının sədri Mamuka Bakhtadze-ni maliyyə, Tbilisi Dövlət Universitetinin rektor müavini Mikheil Chkhenkeli-ni isə təhsil və elm naziri postuna irəli sürüb.

Onun sözlərinə görə, hökumət dəyişiklikləri tezliklə təsdiqləyəcək.

Yeni hökuməti daha sonra parlament təsdiqləməlidir. Hakim Gürcü Arzusu koalisiyası parlamentdə üstün mövqedədir.

Günün bütün mövzuları

XS
SM
MD
LG