Prezidentlər Donald Trump və Vladimir Putin Vyetnamda keçirilən Cənub-Şərqi Asiya iqtisadi forumunda (APEC) liderlərin kollektiv şəkilçəkdirmə mərasimi zamanı əl tutaraq salamlaşıblar.
Noyabrın 10-da baş vermis bu qısa salamlaşmadan əvvəl bir neçə gün idi ki, Trump və Putinin noyabrın 10-11-də keçirilən sammit əsnasında görüşüb-görüşməyəcəkləri barədə ziddiyyətli xəbərlər yayılırdı.
İki prezident arasında ayaqüstü salamlaşmadan bir neçə saat əvvəl Ağ Ev bəyan etmişdi ki, Trump və Putin arasında heç bir rəsmi görüş olmayacaq.
Trump-ın yanvar ayında keçirilmiş inaqurasiyasından indiyədək iki prezident üzbəüz yalnız bir dəfə, iyul ayında keçirilmiş G20 sammitində görüşüblər.
“Putin-lə görüşə gəlincə, belə bir görüşün olacağı təsdiqlənməmişdi, hər iki tərəfdə qrafiklər toqquşduğundan görüş olmayacaq”, – Ağ evin mətbuat katibi Sarah Sanders noyabrın 10-da jurnalistlərə deyib.
Kreml rəsmiləri bu həftənin əvvəlində belə bir görüşün olacağını deyirdilər. Ancaq ABŞ dövlət katibi Rex Tillerson noyabrın 9-da xəbərdarlıq etdi ki, hələ qərar verilməyib.
*** Buna da bax: RT bildirir ki, ABŞ-da ondan xarici agent kimi qeydiyyatdan keçmək tələb olunub
Trump-ı Asiya turunda müşayiət edən Tillerson deyirdi ki, əsas məsələ bu görüşün “yetərincə əsaslandırılmasıdır. Bilirsiz ki, rusiyalılarla bir sıra çətin sahələr üzrə işləyirik”.
Tillerson onu da əlavə edib ki, iki prezident üz-üzə gələrsə, qeyri-rəsmi görüşləri də istisna deyil.
XATIRLATMA
Moskva Ukraynanın Krım vilayətini ilhaq edəndən sonra ABŞ-Rusiya münasibətləri gərginləşib. Rusiyanın ABŞ-da ötənilki prezident seçkisinə iddia olunan müdaxiləsiylə bağlı informasiyalardan sonra durum daha da pisləşib.
İki prezident təkbətək bircə dəfə görüşüblər – iyulda Almaniyada G20-nin sammitində.
*** Buna da bax: Rusiyanın bu kampaniyasını realiti-şouya bənzədir
Hamburqda keçirilən danışıqlarla Trump-ıa Putin Rusiyanın 2016-cı ildə ABŞ-da prezident seçkisinə iddia olunan müdaxiləsini müzakirə ediblər. Ancaq bildiriblər ki, keçmişdəki hərəkətlər bağlı mübahisə etməkdənsə irəliyə getməklə bağlı razılığa gəliblər.
O vaxtdan münasibətlərdəki gərginlik bir az da artıb. ABŞ-da hazırda seçkiyə iddia olunan müdaxiləylə bağlı bir neçə təhqiqat aparılır.
Putin iddiaları danır, Trump Rusiyayla əməkdaşlığa gedilmədiyini bildirir.
Rusiyanın Krımı ilhaq etməsi, Ukraynanın şərqində separatçıları dəstəkləməsi, eləcə də Suriyadakı müharibədə roluyla bağlı da gərginlik qalmaqdadır.
Trump noyabrın 5-də deyirdi ki, Asiya səfəri çərçivəsində Putin-lə görüşü gözlənir. Kremlin sözçüsü Dmitry Peskov-sa noyabrın 8-də onların “böyük ehtimalla” görüşəcəyini bildirmişdi.