Keçid linkləri

2017, 22 Noyabr, çərşənbə, Bakı vaxtı 17:11

Turistlərin ən çox getdiyi şəhərlər açıqlanıb


Honq Konq, arxiv fotosu

Honq Konq dünyada turistlərin ən çox baş çəkdiyi şəhərdir. Noyabrın 7-də “Euromonitor International” market tədqiqatları şirkəti bu reytinqi açıqlayıb.

Bu il Honq Konqa 25,7 milyon turistin baş çəkəcəyi gözlənir.

100 şəhərin yer aldığı siyahı Asiya turizmindəki artımı üzə çıxarıb.

Əslində, Honq Konq bu il ötən ildəkindən 3,2 faiz az turist cəlb edib. Bu, Çinlə gərginliyin artmasıyla izah olunur. Belə ki, bu il Pekin bu əraziyə daha çox nəzarət etməyə can atıb.

*** Buna da bax: Dünyanın ən yaşamalı şəhəri hansıdır

2025-Cİ İLƏDƏK İLƏ 45 MİLYON

Ancaq “Euromonitor” bu azalmanın qısamüddətli olacağını, gələn ildən artımın yenidən sürət götürəcəyini bildirir. 2025-ci ilədək Honq Konqa gedən turist sayının ilə 45 milyona çatacağı gözlənir.

Honq Konqdan fərqli olaraq, Tailandın paytaxtı Banqkoka səfər edənlərin sayı bu il artıb. Bu, daha çox Çindən ilk dəfə gələn səyahətçiləri hədəfləyən tur-paketlərlə izah olunur. Bu il Banqkoka səyahət sayının 9,5 faiz artaraq 21,3 milyon nəfərə çatacağı gözlənir.

London isə 19,8 milyon turistlə üçüncü yerdə qərarlaşıb.

2017-ci ildə Londona səfərlər 3,4 faiz artıb ki, bu əsasən, ölkə ötən il Avropa Birliyindən çıxmağa səs verəndən sonra funt-sterlinqin 15 faiz ucuzlaşmasıyla yozulur. Britaniyanın bahalı yer olması fikri dəyişdikcə, səyahət edənləri də çoxalıb.

İlk onluğa Sinqapur, Makao, Dubay, Nyu-York, Şençjen və Kuala-Lumpur da düşüb.

Rusiyanın Moskva şəhəri 100 ölkə içində 46, Sankt Peterburq 70-ci yerdədir.

Günün bütün mövzuları

XS
SM
MD
LG