Keçid linkləri

2017, 22 Noyabr, çərşənbə, Bakı vaxtı 17:12

Erdogan qalmaqallı opera layihəsini işə salır


Gezi parkında etiraz, iyul, 2013-cü il

Türkiyə prezidenti Recep Tayyip Erdogan İstanbulun mərkəzində opera binasının tikiləcəyi qalmaqallı layihəni işə salıb, yeni binanın şəhərin simvolu olacağını deyib.

Erdogan noyabrın 6-da bildirib ki, müasir opera binası Taksim meydanına yeni həyat verəcək.

2013-cü ildə bu meydanda o vaxt baş nazir olan Erdogan-a qarşı kütləvi etirazlar keçirilib. Etirazçılar yaxınlıqdakı Gezi parkında tikintiyə qarşı çıxırdılar.

2500 yerlik opera binası 2019-cu ildə açılacaq. Bina Ataturk Mədəniyyət Mərkəzinin (AKM) yerində inşa olunacaq.

1969-cu ildə açılmış AKM yanğın səbəbindən dərhal sonra bağlanıb. 1978-ci ildə yenidən açılıb, 2008-ci ildə təmirə qapadılıb, ancaq bu təmir gerçəkləşməyib.

Tənqidçilərin fikrincə, yeni opera layihəsi Mustafa Kemal Ataturk-un yaratdığı müasir Türkiyə Cümhuriyyətinin simvolunu tarixə qovuşduracaq.

Erdogan-ın Ədalət və İnkişaf Partiyası mötədil islama əsaslanır, ancaq partiyanın və Erdogan-ın özünün ölkə konstitusiyasının dünyəvi prinsiplərinə sadiqliyi ətrafında ziddiyyətlər var.

Günün bütün mövzuları

XS
SM
MD
LG