Keçid linkləri

2017, 19 Noyabr, bazar, Bakı vaxtı 08:46

Azərbaycan rəssamlarının vahid informasiya bazası yaradılıb


azgallery.az saytının təqdimatı

Oktyabrın 27-də Muzey Mərkəzində Azərbaycan rəssamlarının vahid informasiya bazasının və qalereyanın veb-saytının (www.azgallery.az) təqdimatı keçirilib.

Mədəniyyət və Turizm Nazirliyinin yaydığı xəbərə görə, tədbir bu qurumun və Azərbaycan Dövlət Rəsm Qalereyasının təşkilatçılığı ilə baş tutub.

Rəsm qalereyasının veb-saytının yaradılması sənətsevərləri qalereyanın fəaliyyəti ilə yaxından tanış etməyə, eləcə də, ölkədə baş verən mədəni hadisələri işıqlandırmağa imkan yaradacaq.

Yaradıcıların fikrincə, virtual məkanda ana dilində yaradılan ilk elektron resurs milli dəyərlərin qorunması və gələcək nəsillərə çatdırılmasını təmin edəcək.

Hazırda qalereyanın fondunda 10 mindən artıq rəngkarlıq, qrafika, heykəltəraşlıq, dekorativ-tətbiqi sənət əsərləri və müasir incəsənət əsərləri qorunub saxlanılır.

Günün bütün mövzuları

XS
SM
MD
LG