Keçid linkləri

2017, 18 Noyabr, şənbə, Bakı vaxtı 10:35

Sakharov mükafatını Venesuela müxalifəti aldı


Müxalifətin polislə toqquşması

-

Avropa Parlamenti Sakharov insan haqları mükafatını Venesuelanın demokratik müxalifətinə verib. Bunu məlumatlı mənbələr «France Presse» agentliyinə bildiriblər.

Mükafat müxalifət partiyalarının üstünlük təşkil etdiyi Venesuela Milli Assambleyasına və siyasi məhbuslara verilib.

Avropa Parlamenti bildirib ki, repressiv hökumətlə vuruşan tələbələrin və siyasətçilərin cəsarətini mükafatlandırmaq istəyir.

DEMOKRATİK QÜVVƏLƏRƏ DƏSTƏK

ALDE liberal qrupundan Guy Verhofstadt deyib ki, "bu mükafat demokratik qüvvələrin demokratik Venesuela uğrunda savaşını dəstəkləyir”. O, “beynəlxalq ictimaiyyəti Venesuela xalqının azadlığı uğrunda mübarizəmizə qoşulmağa” çağırıb.

Bu mükafat sosialist prezident Nicolas Maduro ilə mübarizə aparan müxalifətə böyük dəstək sayılır.

Bir neçə ildir Venesuela siyasi böhran içindədir. Hakim partiya hüququn aliliyini, konstitusion nizamı məhdudlaşdırıb. 2017-ci ilin martında Ali Məhkəmə demokratik yolla seçilmiş Milli Assambleyanı qanunverici hakimiyyətdən məhrum edib.

Milli Assambleya prezidenti Julio Borges ölkədəki durumu belə təsvir edir:

«Venesuelada təkcə siyasi qarşıdurma deyil, vacib, həyati əhəmiyyətli, dəyərlərə söykənən qarşıdurma gedir».

XATIRLATMA

İlin əvvəlindən ölkədə 130 müxalifətçi qətlə yetirilib, 500-dən çox adam həbsə atılıb.

Mükafata digər namizədlər Qvatemaladan insan haqları müdafiəçisi Aura Lolita Chavez Ixcaquic və isveçli-eritrealı jurnalist Dawit Isaak idi.

Ötən il mükafat İslam Dövləti silahlı qruplaşmasının köləliyindən xilas ola bilmiş iki yezidi qadına verilmişdi.

50 min avroluq bu mükafatı Avropa Parlamenti 1988-ci ildə rusiyalı alim və dissident Andrei Sakharov-un adına təsis edib. Bu mükafat hər il insan haqları və azadlıq uğrunda mübarizə aparan ayrı-ayrı şəxslər və qruplara verilir.

Günün bütün mövzuları

XS
SM
MD
LG