Keçid linkləri

Təcili xəbərlər
2020, 02 Dekabr, çərşənbə, Bakı vaxtı 09:58

Əsas kapitala qoyulan vəsait açıqlanıb


Dövlət Statistika Komitəsi

2017-ci ilin yanvar-sentyabr aylarında ölkənin iqtisadi və sosial sahələrinin inkişafına bütün maliyyə mənbələrindən 11 milyard 90.8 milyon manat vəsait qoyulub.

Dövlət Statistika Komitəsi (DSK) bildirir ki, ötən ilin 9 ayında bu göstərici 10 milyard 268.7 milyon manata bərabər olub.

Bu ilin 9 ayında qoyulan vəsaitin 4 milyard 623 milyon manatı və ya 41.7 faizi qeyri-neft sektoruna sərf edilib. Bu sektorda investisiyaların həcmi ötən ilin eyni dövrü ilə müqayisədə 13.8 faiz artıb.

Ümumi sərmayənin 73.1 faizi bilavasitə tikinti-quraşdırma işlərinin yerinə yetirilməsinə sərf edilib. İstifadə olunan vəsaitin 77.7 faizi məhsul istehsalı obyektlərinin, 16 faizi xidmət sahələri üzrə obyektlərin, 6.3 faizi isə ümumi sahəsi 1 milyon 263 min kvadratmetr olan yaşayış evlərinin tikintisinin payına düşüb.

DSK bildirir ki, daxili mənbələrdən əsas kapitala yönəldilən vəsait ümumi sərmayənin 40.5 faizini təşkil edib.

Multimedia

XS
SM
MD
LG