Avstriyada oktyabrın 1-dən üzü bağlayan baş örtükləri və maskalar ictimai yerlərdə qadağan olunur.
Qanunun təşəbbüsçüsü Avstriyanın Sosial-Demokrat və Xalq Partiyalarıdır.
Onlar bildirirlər ki, qanun niqaba və burkaya qarşıdır. Ancaq kloun maskaları və tibbi maskalar da qadağan altına düşüb. İstisna hallar kimi tibbi məqsədlərlə maska geyilməsinəvə karnavallarda maska taxılmasına icazə verilir.
Qanuna görə, polis maskalı və ya üzü örtüklü şəxs görsə, əvvəlcə ondan xahiş edəcək ki, bunları çıxartsın. Çıxartmayan 150 avro cərimə ədəməlidir.
Avropanın digər ölkələrində də müsəlman rəmzli paltarları qadağan etməyə cəhdlər olunur.
2016-cı ilin avqustunda Fransanın Kann şəhərinin meri çimərliklərdə müsəlman qadın çimərlik paltarı olan burkinini qadağan etdi. Ancaq sonra Ali Məhkəmə bu qərarı ləğv etdi.
2016-cı ilin sentyabrpında Bolqarıstanda burka və üzü örtən digər paltar ictimai yerlərdə qadağan olundu.
Üzü örtən müsəlman paltarı Belçikada, Niderlanda, İsveçrənin bəzi regionlarında, Fransada, Latviyada qadağandır.
