Keçid linkləri

2024, 29 Mart, Cümə, Bakı vaxtı 03:41

İnsan haqlarını pozan məmurların cəzalandırılmasında ABŞ nə təklif edir?


Etirazçı ilə Azərbaycanda polisin rəftarı, arxiv
Etirazçı ilə Azərbaycanda polisin rəftarı, arxiv

ABŞ Konqresinin Xarici İşlər Komitəsinə sentyabrın 26-da təqdim olunan layihədə Azərbaycanda insan haqlarını pozan rəsmilərin cəzalandırılması, Qlobal Magnitsky İnsan Haqları Cavabdehliyi qanununun tətbiq olunması təklif olunur.

Respublikaçı Chris Smithin və demokrat Jim McGovernin təklif elədiyi layihədə konkret nələr deyilir?

Əvvəlcə Azərbaycandakı vəziyyət barədə qeyd olunur ki,

“Azərbaycan ATƏT üzvü olan ölkə kimi azad və ədalətli seçki standartları üzərində işləmək öhdəliyi götürüb, ancaq 1992-ci ildən bəri Azərbaycanda keçirilən seçkilərin heç biri ATƏT-in minimal standartlarına cavab verməyib”,

“İnsan haqları üzrəQHT-lərin koalisiyası 2017-ci ilin avqustunda Azərbaycanda 158 siyasi məhbus qeydə alıb”,

“2017-ci il sentyabrın 1-nə həbsdə olan vicdan məhbuslarının sayı 90-dan çox idi”.

Chris Smith Bakıda , 29 İyun 2014-cü il
Chris Smith Bakıda , 29 İyun 2014-cü il

ABŞ-ın bütün bunlarla bağlı nə edə biləcəyi barədə layihədə deyilir ki,

“Magnitsky Aktı ABŞ hökumətinə insan haqlarını pozan rəsmilərə viza verilməsini dayandırmaq və onların ABŞ-dakı aktivlərini dondurmaq icazəsi verir”.

Jim McGovern (solda)
Jim McGovern (solda)

Bütün bunlardan sonra təklif olunur ki, Konqres

“ABŞ hökumətini Azərbaycan hökumətinin insan haqlarını pozmasına xüsusi diqqət yetirməyə çağırır”,

“Azərbaycan hökumətini bütün siyasi məhbusları və vicdan məhbuslarınıə dərhal azad etməyə, onların sənədlərini bərpa etməyə, səfərlərinə bütün qadağaları götürməyə, onların təqib olunmasını dayandırmağa, siyasi çıxışlar edənlərin qorxudulmasını və onlarla qəddar rəftarı dayandırmağa çağırır”,

“ABŞ hökumətini təkidlə çağırır ki,kəşfiyyat mənbələrindən, diplomatik və açıq mənbələrdən, QHT-lərdən olan məlumatları diqqətlə təhlil eləsinlər və Azərbaycanda insan haqlarını və dini azadlıqları pozan Azərbaycan rəsmilərinin səfərlərinə və maliyyə vəsaitlərinə məhdudiyyətlər qoyulsun”.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG