Keçid linkləri

Təcili xəbərlər
2018, 15 Dekabr, şənbə, Bakı vaxtı 08:00

Rusiyayla Çin Trump-ın bəyannaməsinə qoşulmadılar


D.Trump

Sentyabrın 18-də axşam Rusiyayla Çin ABŞ prezidenti Donald Trump-ın BMT-də islahatlara dair bəyannaməsini imzalamayıblar. Qurumun qlobal böhranlarla mübarizəsini daha səmərəli edəcək islahatları dəstəkləyən sənədə 128 ölkə imzasını atıb.

Rusiya rəsmiləri bildiriblər ki, BMT bürokratiyasını sadələşdirmək ideyasını dəstəkləyirlər, ancaq inanırlar ki, bu beynəlxalq qurumda hər hansı dəyişiklik üzv ölkələr arasında danışıqlar yoluyla gerçəkləşdirilməlidir, Birləşmiş Ştatların təkbaşına hazırladığı bəyannamə yoluyla deyil.

«BMT-nin beynəlxalq arenada rolunun artırılmasını hamımız dəstəkləyirik, ancaq BMT-yə böyük islahat gərək deyil», – Rusiyanın BMT-dəki səfiri Vasily Nebenzya ölkəsinin TASS dövlət xəbər agentliyinə bildirib.

Rusiya xarici işlər nazirinin müavini Gennady Gatilov TASS və «Interfax»a söyləyib ki, Moskva islahatın «hərtərəfli» olmasına inanır, ancaq istənilən islahat dialoqla razılaşdırılmalıdır.

Trump BMT üzvlərini özünün BMT-də islahata dair 10-bəndlik bəyannaməsini imzalamağa çağırıb, daha sonra islahatlarla bağlı görüşə dəvət edib.

Günün bütün mövzuları

XS
SM
MD
LG