Keçid linkləri

Təcili xəbərlər
2018, 25 Fevral, bazar, Bakı vaxtı 14:08

İŞİD liderinin sağ olduğuna inanırlar


Abu Bakr al-Baghdadi

ABŞ-ın ordu komandiri avqustun 31-də bildirib ki, «İslam Dövləti» (İŞİD) qruplaşması lideri Abu Bakr al-Baghdadi-nin hələ də sağ olduğuna və İraqla Suriya arasındakı Fərat çayı vadisində gizləndiyinə inanır.

«Hər gün onu axtarırıq. Məncə, o ölməyib», – İŞİD əleyhinə koalisiyanın komandiri, general-leytenant Stephen Townsend jurnalistlərə deyib.

Onun sözlərinə görə, Baghdadi-nin dəqiq harada olduğunu bilmir, ancaq inanır ki, ekstremistlərin lideri digər yaraqlılarla birlikdə çay vadisi ərazisinə qaçıb və bu, İŞİD Mosul, Tall-Afar və Raqqanın bəzi yerlərinə nəzarəti itirəndən sonra baş verib.

Townsend deyib ki, onu tapan kimi öldürməyə çalışacaqlar.

«Onu tutmağa çalışmağa dəyməz», – o söyləyib.

İyunda Baghdadi-nin ölümü barədə məlumatlar yayılmışdı. O zaman Rusiya ordusu bildirirdi ki, qruplaşma liderinin Suriyada hava zərbəsində ölüb-ölmədiyini dəqiqləşdirir.

Günün bütün mövzuları

XS
SM
MD
LG