Keçid linkləri

Təcili xəbərlər
2018, 21 Fevral, çərşənbə, Bakı vaxtı 17:31

Rusiyalıların çoxu qiymətlərin artmasını ölkədə ən ciddi problem hesab edir


Foto arxiv

“Levada Mərkəzi”nin keçirdiyi sorğuda rəyi soruşulanların çoxu Rusiyada qiymətlərin qalxmasını ölkədə ən ciddi problem hesab edib.Sorğunun nəticələrinə görə,bu ölkə əhalisinin təxminən 60%-dən çoxu deməkdir.

“Reqnum” agentliyinin araşdırmanın nəticələrinə istinadla verdiyi məlumata görə, yoxsulluq, əhalinin əksər hissəsinin kasıblaşması (45%), işsizliyin artması, korrupsiya və tüşvətxorluq ən ciddi problemə çevirilib (33%).

Rəyi soruşulanların 28 faizi iqtisadiyyatın gerilməsi, sənayə və kənd təsərrüfatı sahəsində istehsalın azalmasından narahatdır.

Həmçinin kasıb və varlı təbəqə arasında fərqin böyüklüyü, gəlirlərin ədalətsiz bölünməsi (25%) və bir çox tibbi xidmətlərə əlçatmazlıq (26%) ciddi problemlər arasındadır.

Rusiyalıları ən az vətəndaş hüquqları və demokratik azadlıqların məhdudlaşdırılması narahat edir (4%).

Rəy sorğusu 2017-ci il avqustun 8-22-i arası, şəhər və kəndlərdə, müxtəlif yaş təbəqələrini əhatə edən 1600 nəfər arasında, 48 regionun 137 yaşayış məntəqəsində aparılıb.

Günün bütün mövzuları

XS
SM
MD
LG