Vəzifədən gedən prezident deyir ki, yerinə dostu gəlir

Qırğızıstan prezidenti Almazbek Atambaev deyib ki, “mən prezident vəzifəsindən gedəndən sonra , mənim dostum prezident ola bilər. Onu mən yetişdirmişəm və bu yaxınlarda baş nazir oldu. Mən ümid edirəm ki, o mənim işlərimi davam etdrəcəık və başa çatdırmağımı yekunlaşdırcaq.”

Avqustun 28-də Qırğızstanın Ozgon şəhərində yerli sakinlərlə görüşdə Atambaevin “dostum” adlandırdığı Sooronbai Jeenbekov hazırda baş nazirdir və oktyabrın 15-də prezident seçkilərində hakimiyyətdən əsas namizəddir.

Qırğızstan konstitusiyasına görə, prezident 6 illiyə seçilir və ikinci müddətə prezident seçilmək olmaz.

Müxalifətin fikrincə, prezidentlikdən gedən Atambaev öz adamlarını vəzifələrdə yerləşdirməklə hakimiyyətini saxlamaq istəyir.

Buna da bax: Mollalar spirtli içki satılan dükanları niyə gəzir?

Avqustun 16-da müxalifət lideri Omurbek Tekebaev rüşvət ittihamı ilə 8 il həbs cəzası aldı. Müxalifətin fikrincə, bu yolla nüfuzlu müxalifət liderini indiki və növbəti prezident seçkilərindən uzaq saxlamaq istəyirlər.

Oktyabrın 15-dəki prezident seçkilərində namiəzdlərin yekun siyahısı sentybarın 10-da elan olunacaq.