Keçid linkləri

2017, 19 Oktyabr, Cümə axşamı, Bakı vaxtı 07:45

“14 saylı Cəzaçəkmə Müəssisəsində saxlanan bloqqer Mehman Hüseynovun ağrıları artıb. Əməliyyat olunmaq istəyir”.

Bu gün, iyunun 15-də cəzaçəkmə müəssisəsində bloqqerlə görüşən vəkili Elçin Sadıqov AzadlıqRadiosu-na açıqlamasında belə deyib.

“Artıq, ona şəxsiyyət vəsiqəsi də veriblər. Ümumi durumu normaldır. Əhvalı yaxşıdır, saxlanma şəraitindən şikayəti yoxdur. Ancaq son günlərdə ağrılarının artdığını deyir. Bunun üçün onun əməliyyat olunmasına ehtiyac var”, – deyən vəkil bloqqerin əməliyyat edilməsindən ötrü yenidən əlaqəli qurumlara müraciət edəcəyini bildirib.

Buna da bax:​ Mehman Hüseynov müayinə olunub

E.Sadıqov Avropa Şurasi Parlament Assambleyasının Azərbaycan səfər etmiş həmməruzəçilərin 14 saylı Cəzaçəkmə Müəssisəsində olduğunu da bildirib. Onun sözlərinə görə, həmməruzəçilər M.Hüseynovla da görüşüblər. Bloqqer onlara qanunsuz həbs olunmasından, problemlərindən danışıb.

Vena ağrılardan əziyyət çəkən M.Hüseynov əməliyyat edilməsindən ötrü daha əvvəl də müraciət etmişdi. Ancaq Ədliyyə Nazirliyinin tibb idarəsi əməliyyat edilməsinə zərurət olmadığını bildirmişdi.

Bloqqerin bir neçə il idi şəxsiyyət vəsiqəsi yox idi. Rəsmi qurumlar sənədini alıb, ona qaytarmırdılar. Mehman Hüseynov cəzaçəkmə müəssisəsində şəxsiyyət vəsiqəsi alıb.

Buna da bax:​ 'Azərbaycanda bədəl ödəyən jurnalistləri unuda bilmərik'

Xatırlatma

Mehman Hüseynov 2017-ci il martın 3-də Suraxanı rayon Məhkəməsinin qərarı ilə 2 il azadlıqdan məhrum edilib. Buna qədərisə onun yanvarın 9-da oğurlandığı güman edilirdi.

Yalnız yanvarın 10-da məhkəmə önünə çıxarkən onun Nəsimi Rayon Polis İdarəsinin 22 saylı Polis Bölməsində saxlandığı məlum olmuşdu. Nəsimi rayon Məhkəməsinin qərarı ilə M. Hüseynov polisə tabe olmamaqda təqsirli bilinərək, 200 manat cərimə edilib.

Jurnalistlər önünə çıxan bloqqer polisdə saxlandığı müddətdə işgəncələrə məruz qaldığını söyləyib. Vəkili isə işgəncə şikayətinin araşdırılmasından ötrü Bakı Şəhər Prokurorluğuna müraciət etmişdi. Nəsimi Rayon Polis İdarəsinin rəisi Musa Musayev də M.Hüseynovun işgəncə ilə bağlı dediklərini polisə böhtan sayaraq, xüsusi ittiham qaydasında iddia qaldırıb. Həmin iddia əsasında M.Hüseynov 2 il azadlıqdan məhrum edilib.

Buna da bax:​ Ombudsmanın nümayəndələri həbsdəki bloqqerlə görüşüb

Müdafiə tərəfi isə prokurorluğun işgəncə şikayəti ilə bağlı cinayət işi açmamasından məhkəməyə müraciət etmişdi. Səbail rayon və Bakı apellyasiya məhkəmələri də müdafiə tərəfinin istəyini geri çevirmişdi.

Sənin fikrin

Şərhləri göstər

Günün bütün mövzuları

XS
SM
MD
LG