Azərbaycan Müdafiə Nazirliyi cəbhədəki vəziyyətlə bağlı mayın 15-I axşam saatlarında məlumat yayıb.
Məlumatda bildirilir ki, Ermənistan cəbhə xəttində vəziyyəti yenidən gərginləşdirmək məqsədi ilə təxribat xarakterli fəaliyyətini davam etdirir:
“Mayın 15-də cəbhənin Füzuli-Xocavənd istiqamətində Ermənistan hava hücumundan müdafiə qoşunlarına məxsus “OSA” zenit-raket kompleksimüdafiənin ön xəttində yeni mövqeyə çıxarılaraq hava məkanını nəzarətə götürməyə cəhd göstərilib”.
Müdafiə Nazirliyi vurğulayır ki, Azərbaycanın uçuş aparatlarına yaranan real təhlükəninqarşısını almaq məqsədilə Ermənistanın “OSA” zenit-raket kompleksi və nəqliyyat-doldurucu maşını atəşlə tam sıradan çıxarılıb
Verilən məlumata görə, ekipajı 5 nəfərdən ibarət olan “OSA” zenit-raket kompleksi hava hədəflərini 45 kilometr radiusda aşkar edərək izləməyə götürməyə və 9 kilometr uzaqlıqda məhv etməyə qadirdir.
Ermənistan tərəfinin bu məlumata reaksiyası bəlli deyil.