Keçid linkləri

2017, 26 Mart, bazar, Bakı vaxtı 13:15

'Hərbi xidmətdə əlil edib buraxıblar, sığortamı ödəmirlər'


Qarabağ əlilləri (arxiv fotosu).

Qarabağ əlilləri (arxiv fotosu).

“Hökumət məni bu sığortanı almaqdan ötrü illərlə get-gələ salacaqsa, o gözəl qanunu niyə qəbul edib?”.

Bu sözləri deyən Zərdab rayonu, Gödəkqobu kənd sakini Sübhan Bəndəlizadə ikinci qrup əlildir. O, AzadlıqRadiosu-na danışır ki, əlilliyi hərbi xidmətdə olarkən “qazanıb”.

Buna da bax:​ 'Anam inanır ki, mən sağalacam və ayağa duracam'

Sübhan Bəndəlizadə 2015-ci ildə hərbi xidmətə yollanıb. Lənkəranda xidmət edərkən xəstələnib və hərbi hospitala yerləşdirilib. Dediyinə görə, hərbi hissə rəhbərliyi əsgərin xəstəliyinə biganə yanaşdığından, xəstəliyi dərinləşib. Sübhan nə az- nə çox, 8 ay hospitalda müalicə alıb və ardınca hərbi xidmətə yararsız kimi ordudan tərxis edilib. Hüquqşünaslarla məsləhətləşəndən sonra sığortanı almaq üçün Dövlət Sığorta Kommersiya Şirkətinə üz tutub. İndi bir ildən çoxdur get-gələ düşsə də, sığortanı ala bilmir:

“Bu gedişlə 2-ci böyrəyimi də...”

“Özləri də təsdiqləyirlər ki, “bəli, sənə 6 min 600 manat sığorta düşür”. Deyirəm, bəs niyə vermirsiniz? Bütün sənədləri təqdim etmişəm, hərbi hissəyə aparılarkən sağlam olmağım barədə arayışım, hərbi hissənin tibb məntəqəsində uzun müddət müalicə almağım, hərbi hospitalda 8 ay stasionar şəraitdə müalicəm, – hamısının sənədləri təqdim olunub. Mənim xəstəliyimin dərinləşməsinin səbəbi vaxtında düzgün müalicə almamağımdır. Nəticədə, sol böyrəyim funksiyasını itirib, əlilə çevrilmişəm. Mənim təqdim etdiyim sənədlər gizlədilir, gah deyirlər itirmişik, gah da deyirlər, araşdırarıq. Bir ildir ki, əlil canımla yollarda qalmışam. Bu gedişlə ikinci böyrəyimi də sığortapulu üçün gedib-gəldiyim yollarda itirəcəyəm”.

Buna da bax:​ Qarabağ əlilinin yağ-pendir zavodu sahibi ilə nə problemi var?

Çıxış yolu nədir?

Dövlət Sığorta Kommersiya Şirkətindən “Qaynar xətt”ə bildirilib ki, Sübhan Bəndəlizadə sənədləri ilə yaxınlaşsa, araşdırılar.

Hüquqşünas Vaqif Alıyev əlilə məhkəməyə müraciət etməsini məsləhət görür: “Hərbi xidmətdə sağlamlığını itirənlərin çoxu bu problemlə üzləşir. İllərlə bu sığortanı ala bilməyənlər var. Yeganə yolu odur ki, quruma getməsin, məktubla müraciət etsin və məktubla da cavab alsın. Sonra topladığı sənədləri və cavab məktubunu ərizəsinə əlavə edib məhkəməyə müraciət etsin. Təcrübədə belə məsələlərin məhkəmə yolu ilə həlli mümkün olub”.

Sənin fikrin

Şərhləri göstər

Siz də şikayətinizi buradan göndərə bilərsiz

ƏLAQƏ ÜÇÜN

nömrəmiz (+420) 778 711 700

Çəkdiklərinizi, eləcə də şikaylətlərinizi bizə WhatsApp-dan başqa,

XS
SM
MD
LG