Keçid linkləri

Təcili xəbərlər
2018, 23 Oktyabr, çərşənbə axşamı, Bakı vaxtı 06:48

Alban dilinin dövlət dili olmasına etiraz edirlər


Etiraz

Makedoniyanın paytaxtı Skopyedə minlərlə adam küçələrə çıxıb, Alban dilinin ikinci dövlət dili olmasıyla bağlı razılaşmaya etiraz ediblər.

Razılaşma Sosial Demokratların lideri Zoran Zaev-lə ölkənin 3 əsas alban partiyası arasında imzalanıb. Alban partiyaları Z.Zaev-i dəstəkləməklə parlamentdə onun tərəfdarlarının artmasına, beləliklə də onun yeni kabineti formalaşdırmasına imkan veriblər. Əvəzində isə alban dilinin ikinci dövlət dili elan olunmasını istəyiblər.

Hazırda Makedoniyanın yalnız bəzi yerlərində, əhalisinin 20%-dən çoxu alban olan bölgələrdə alban dili rəsmi dil hesab edilir.

Sosial şəbəkələrdə makedoniyalılar bir-birini küçələrə çıxıb Z.Zaev-in anlaşmasına etiraz etməyə çağırıblar. Etirazçıların çoxu qərarın əleyhinə olan mühafizəkar VMRO partiyasının tərəfdarlarıdır. Onlar dünən—fevralın 27-də hökumət binasının qarşısından yürüş edərək, «Bu iş olmayacaq!», «Bu bizim qırmızı xətdir!» kimi şüarlar səsləndirib, Makedoniyanın milli mahnılarını oxuyublar.

Günün bütün mövzuları

XS
SM
MD
LG