Keçid linkləri

Təcili xəbərlər
2018, 20 Aprel, Cümə, Bakı vaxtı 14:47

Azərbaycan prezidenti İlham Əliyev fevralın 9-da Avropa Şurası Parlament Assambleyasının (AŞPA) hüquqi işlər və insan hüquqları komitəsinin Azərbaycan üzrə məruzəçisi Alain Destexhe-i qəbul edib.

AZƏRTAC-ın xəbərinə görə, Avropa Şurası ilə əlaqələrin 15 ildən çoxdur davam etdirildiyini bildirən prezident Azərbaycanın Avropa strukturları ilə yaxşı əməkdaşlıq həyata keçirdiyini vurğulayıb. O qeyd edib ki, bu günlərdə Avropa Birliyi ilə də mühüm və səmərəli görüşlər keçirilib .

Prezident həmçinin deyib ki, ölkədə demokratikləşmə istiqamətində mühüm addımlar atılır, islahatlar aparılır və iqtisadiyyatın şaxələndirilməsi ilə bağlı tədbirlər görülür.

XATIRLATMA

Azərbaycan 2001-ci ildən Avropa Şurasının üzvüdür. Bu quruma üzv olarkən Azərbaycan demokratiya, insan hüquqları, azad seçkilər və başqa məsələlərlə bağlı üzərinə bir çox öhdəliklər götürüb. Azərbaycan, hələ də, Assambleyanın monitorinqi altında olan 9 Avropa Şurası (AŞ) ölkəsindən biridir. Bu prosedur hakimiyyətlə daimi dialoq, müntəzəm hesabatlar və AŞ qarşısında öhdəliklərin yerinə yetirilməsində irəliləyişlə bağlı vaxtaşırı debatları əhatə edir.

Günün bütün mövzuları

XS
SM
MD
LG