Azərbaycan Dövlət Musiqili Teatrında hazırlanan “Adsız qadın” monotamaşasının İstanbul premyerası keçirilib.
Dövlət Musiqili Teatrından AzadlıqRadiosu-na verilən xəbərə görə, Aygün Həsənoğlunun Xocalı faciəsindən bəhs edən səhnə əsəri İstanbul Azərbaycan Kültür Evinin təşkilatçılığı ilə Üsküdar Kərəm Yılmazər səhnəsində nümayiş etdirilib.
Monotamaşanın (rejissor Elçin İmanov) ifaçısı aktrisa Kəmalə Kamilqızıdır.
Buna da bax: Xocalı faciəsi ilə bağlı yeni qanun layihəsi
Tamaşada Azərbaycan və türk musiqisindən istifadə olunub.
“Adsız qadın”da teatr sənəti ilə kino sintez edilib.
Tamaşa Xocalı dəhşətlərini əks etdirən sənədli kadrlar var.
Kütləvi səhnələrdə Türkiyədə yaşayan azərbaycanlılar, xüsusən tələbələr iştirak ediblər.
Buna da bax: Gözlənilən bir faciənin tarixçəsi… [Video]
Tamaşanın Türkiyənin ayrı-ayrı bölgələrində nümayiş olunması nəzərdə tutulub.
