Dekabrın 11-i İsveç Kral Akademiyasında Ədəbiyyat üzrə Nobel mükafatının təqdimat mərasimi keçirilib. Bu ilki Ədəbiyyat üzrə Nobelin sahibi Bob Dylan təqdimetmə mərasimində iştirak etmədiyi üçün onun yerinə mükafatı ABŞ-ın İsveçdəki səfiri Azita Raji alıb və Dylanın Nobel nitqini də o oxuyub.
"Tez-tez özümdən soruşuram ki, mahnılarımı ədəbiyyat hesab etmək olarmı? Mən İsveç akademiyasına bu sual üzərində düşünməyə vaxt tapıb və ona belə möhtəşəm cavab verdikləri üçün minnətdarlığımı bildirirəm. Əvvəllər belə bir mükafat alacağımın ehtimalı, mənimçün aya çıxmağım ehtimalı ilə bərabər idi" - deyə Dylan-nın nitqində deyilir.
Buna da bax: Mahnı sözləri yazaraq Nobel alan ilk şair Bob Dylan deyil Taqoruymuş
Xatırladaq ki, oktaybrın 13-ü ədəbiyyat üzrə Nobel mükafatının amerikalı şair və mahnı sözləri müəllifi Bob Dylana verildiyi haqda Nobel komissiyası açıqlama yaymışdı. O bütün tarix boyu Nobel mükafatı almış ilk musiqiçidir. Noyabr ayında Dylan İsveç akademiyasına yolladığı məktubunda mükafatın təltifetmə mərasiminə gələ bilməyəcəyini bildirmişdi.
