-
Mərakeşin Bakıdakı səfiri Hassan Haminin həm də ədəbiyyatla yaxından maraqlandığını və hekayələr yazdığını çoxları bilir. Çünki səfirin Bakıda artıq üçüncü kitabı bu günlərdə Qanun nəşriyyatında çapdan çıxıb. Qısa hekayələrdən ibarət kitab "Diyirlənən kollara doğru uzanmaq" (“Twisting Toward the Rolling Stones”) adlanır.
Bu Hassan Haminin Bakıda çap olunmuş üçüncü kitabıdır. Kitab müxtəlif mədəniyyətlər və cəmiyyətlərdən olan obrazların həyatından bəhs edən qısa hekayələrdən ibarətdir. Kitabda hadisələr Mərakeş, Britaniya, Birləşmiş Ştatlar, Moldova və Azərbaycanda baş verir. Qısa-hekayələrdə müxtəlif xalqların adətlərindən, sevgi, dostluq və düşmənçilik ənənələri haqda məlumat verilir. Kitab ingiliscə çapdan çıxıb.
Xatırladaq ki, Hassan Haminin bundan öncə Qanun nəşriyyatında "Cırmaq heç vaxt sağalmır" ("“Scratches Never Heal") və "Sparkling Ashes over the Rainbow" ("Göy qurşağı üzərində parlayan kül") kitabları çapdan çıxıb.
