Keçid linkləri

2024, 29 Mart, Cümə, Bakı vaxtı 15:35

“Almaniya İslamı” necə olur?


Angela Merkel və maliyyə naziri Wolfgang Schaeuble
Angela Merkel və maliyyə naziri Wolfgang Schaeuble

Kansler Angela Merkelin qocaman müttəfiqi Almaniya müsəlmanlarını liberalism, dözümlülük və demokratiyaya əsaslanan yeni “Almaniya İslamı” yaratmağa çağırıb.

O deyib ki, ölkəyə çox sayda müsəlman qaçqının gəlməsi ölkə cəmiyyəti üçün çətinliklər yaradır.

Almaniyanın maliyyə naziri Wolfgang Schaeuble bu bəyanatı özünün ənənəvi maliyyə hesabatı çıxışında verib.

Reuters yazır ki, ötən il Almaniyaya əksəriyyəti Yaxın Şərq və Şimali Afrika müsəlmanları olmaqla 1 milyon qaçqın gəlib.

Bunun nəticəsində cəmiyyətin narahatlığından fürsətlənən ifrat sağçı Alternativ Almaniya partiyası bir sıra seçki uğurları qazanıb.

Partiyanın nizamnaməsində deyilir ki, İslam Almaniya konstitusiyasına ziddir.

Merkelin Xristian-Demokrat Partiyasının sütunlarından biri olan Schaeuble “Welt am Sonntag” qəzetinə yazdığı məqalədə qeyd edir ki, qaçqınların əksəriyyətinin mənşəyi Almaniyanın ənənəvi mədəniyyəti üçün problemlər yarada bilər.

Reuters xəbər verir ki, əgər xanım Merkel növbəti seçkilərə qatılmaqdan imtina edərsə, 74 yaşlı Schaeuble-in partiyanın kanslerliyə namizədi olacağı deyilir.

Almaniyanın balaca müsəlman qızları Hanau məscidinin açılışında. 2015-ci il
Almaniyanın balaca müsəlman qızları Hanau məscidinin açılışında. 2015-ci il

Nazir bildirib ki, miqrantların ötən qış Kölndə törətdikləri seksual təcavüzlər onlara qarşı əhval-ruhiyyəyə xələl gətirib.

Schaeuble deyib ki, Almaniyada ksenofob hücumların artmasına baxmayaraq o, almanların əksəriyyətinin sağlam düşüncəsinə inanır.

“Biz istəyirik ki, siz də bizlərdən olasınız” – yazır müsəlmanlara müraciətlə nazir.

Reuters yazır ki, miqrant böhranı Merkelin təkrar kansler seçilmək perspektivləri üçün ciddi problemlər yaradıb.

Hökumətin xristian-sosial müttəfiqləri xanım Merkeli qaçqınlara münasibətdə “açıq qapılar” siyasətinə görə tənqid edirlər.

Schaeuble ötən həftə İslama həsr olunmuş illik konfransda demişdi ki, bütün dindən olan vətəndaşlar Almaniyanın tərkib hissəsidirlər.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG