-
Dünyaca məşhur alman iqtisadçısı və filosoftu Karl Marx-ın 200 illiyi münasibətiylə doğma şəhəri Trierdə təntənəli yubiley proqrammına hazırlıq görülür. Bu haqda alman DW radiosu xəbər verir. Yubiley tədbirlətinin təşkilatçıları sentyabrın 21-də keçirdikləri mətbuat konfransında deyiblər ki, keçiriləcək tədbirlər dünyaya səs salacaq. “2018-ci ildə bütün dünyanın gözü Trierdə olacaq” -deyə təşkilatçı Rainer Auts deyib.
Marksın doğma şəhəri Trierin şəhər administrasiyası və şəhərin yerləşdiyi Reinland-Pfalz rəhbərliyi birgə Marksın doğma şəhərində çoxlu sayda sərgilər keçirmək istəyir.
Buna da bax: K. Marksın məşhur kitabı yenidən nəşr olundu
İlk növbədə Marx-ın həyatı və gördüyü işlərlə bağlı “Karl Marx 1818-1883. Leben. Werk. Zeit” adlı sərgi keçiriləcək, bu sərgi Marx-ın yaşadığı tarixi dövrə işıq tutacaq. Həmçinin şəhər rəhbərliyi 2018-ci ildə Trierdə Karl Marx-ın ev muzeyini açmağı planlaşdırır.
Simeonstift muzeyi isə Marx-ın şəxsi həyatı, bioqrafiyası, ailə həyatı və ən əsası Friedrich Engels-lə dostluğu əks olunacaq. Sərgilərdə ümumiyyətlə 400-500 eksponat nümayiş etdiriləcək. Təşkilat komitəsi sərgiyə 5,1 milyon yevra xərcələyəcək və dünyanın dörd bir yanından təqribən 150 min insanın Marx-ın doğma şəhərini ziyarət edəcəyi gözlənilir.
Xatırladaq ki, kommunizmin mənəvi atalarından biri olan Marx 5 may 1818-ci ildə Trierdə doğulsa da sonradan Londona köçüb və 1883-cü ildə dünyasını dəyişib. O doğma şəhərində həyatının cəmi 17 ilini keçirib. Onun “Kapital” və “Kommunist partiyasının manifesti” əsərləri dünya sosialistlərinə güc verib və onun adı ilə “marksizm” cərəyanı yaradıb. O bəzi əsərləri digər alman filosofu Friedrich Engels-lə birgə yazıb.
