Bu ilin 8 ayında da büdcə kəsirlə icra olunub. Maliyyə Nazirliyinin məlumatlarına əsasən, 2016-cı ilin yanvar-avqust aylarında dövlət büdcəsinə 8 milyard 281.5 milyon manat vəsait daxil olub.
Büdcədən isə 9 milyard 348.5 milyon manat vəsait xərclənib. Nəticədə büdcənin icrasında 1 milyard 67 milyon manatlıq kəsir yaranıb. Yaranan kəsir ümumi daxili məhsulun 2.8 faizi səviyyəsindədir.
2015-ci ildə, mart ayından etibarən büdcə kəsirlə icra olunmuşdu. 2016-cı ildə isə iyun, iyul və avqust aylarında büdcə kəsiri qeydə alınıb.