Sentyabrın 10-da dənizə düşən Musa Əliyevin cəsədi tapılıb. Sentyabrın 11-də cəsəd ailəsinə təhvil veriləcək.
Bu haqda Neftçilərin Hüquqlarını Müdafiə Komitəsinin sədri Mirvari Qəhrəmanlı məlumat verib.
Hüquq müdafiəçisi Musa Əhmədovun ölümünə səbəb olanların məsuliyyətdən kənarda qalacağından narahatlığını da bildirib.
SOCAR bununla bağlı hər hansı məlumat yaymayıb. Bazar günü olduğundan təşkilatın telefonları cavab verməyib.
Sentyabrın 10-da SOCAR-ın «Azneft» İstehsalat Birliyinin N.Nərimanov adına Neft-Qaz Çıxarma İdarəsinə məxsus qayığı aşmışdı. Qayıqda olan şəxslərdən biri boğulmuşdu. Onun SOCAR-ın podratçı təşkilatı olan Abşeron Qazma İdarəsinin əməkdaşı olduğu bildirilirdi.