-
10 gün davam edən Venesiya festivalının qalibləri sentyabrın 10-u elan edilib. Bu il 73-cüsü keçirilən festivalın baş mükafatı "Qızıl şir" uğrunda 20 film yarışırdı və mükafat filippinli Lav Diaz-a qismət olub. Lav Diaz "Qızıl şir"i dörd saatlıq, çox hissəsi ağ-qara olan "Tərk etmiş qadın" adlı filmi ilə qazanıb. Film səhvən məhkum edilmiş məktəb müəlliməsinin intiqamından bəhs edir.
Festivalın ikinci dərəcəli mükafatı "Gümüş şir" isə iki rejissora verilib. Onlardan birinci "Cənnət" adlı Holocoaustdan bəhs edən dram janrlı filmin rejissoru Andrei Konchalovsky
və gənclər arasında gizli seksual münasibətlərdən bəhs edən meksikalı rejissor Amat Escalante-nin "Toxunulmamış məkan" filmiylə qazanıb.
Festivalın ən yaxşı aktyor mükafatı Argentinalı Oscar Martinez-ə, ən yaxşı aktrisa mükafatı ilə Amerikalı Emma Stone-yə verilib.
