Keçid linkləri

2024, 28 Mart, Cümə axşamı, Bakı vaxtı 12:35

Müsavat MSK-nı məhkəməyə verir


Arxiv fotosu: Bakıda parlament seçkisi, 1 noyabr 2015
Arxiv fotosu: Bakıda parlament seçkisi, 1 noyabr 2015

Müsavat Partiyası Mərkəzi Seçki Komissiyasının (MSK) «Respublika» təşviqat qrupunu qeydə almamasından məhkəməyə şikayət edəcək.

Bu haqda «Turan»a Müsavat başqanı Arif Hacılı məlumat verib.

Onun deməsinə görə, məhkəməyə müraciət hazırlanır. «Hüquqşünaslar şikayəti hazırlayırlar. Bu gün (29 avqust) şikayəti məhkəməyə təqdim edəcəyik», - deyən A.Hacılı imzaların etibarlılığına əmin olduqlarını bildirib.

O, təşəbbüs qrupunun qeydə alınması üçün bütün hüquqi vasitələrdən istifadə edəcəklərini vurğulayıb.

MSK Müsavatın təşviqat qrupunu qeydə almadı

Avqustun 27-də Mərkəzi Seçki Komissiyası Müsavat Partiyasının 26 sentyabr referendumu ilə bağlı təsis etdiyi «Respublika» təşviqat qrupunu qeydə almaqdan imtina edib.

Bu haqda «Turan»a Müsavat Partiyası başqanı Arif Hacılı bilgi verib.

MSK qərarını «Respublika» təşviqat qrupunun qeydə alınması üçün etibarlı imzaların sayının tələb ediləndən az olması ilə əsaslandırıb. MSK-nın gəldiyi qənaətə görə, Müsavat Partiyasının təqdim etdiyi imzalardan 3 min 604-ü etibarsızdır. Etibarsız sayılan imzalar çıxıldıqda, yerdə qalan imzalar qrupun qeydə alınmasına yetməyib.

«Hakimiyyət bu davranışı ilə referendumu bir oğurluq əməliyyatı kimi xəlvət keçirmək niyyətində olduğunu bir daha ortaya qoydu. Bu bizi mübarizədən çəkindirmir. Həm kütləvi aksiyaların keçirilməsi, həm müşahidə işinə diqqəti daha da artıracağıq. Ölkənin cümhuriyyət dəyərlərindən yayındırılmasına imkan verməyəcəyik», - deyə Müsavat başqanı A.Hacılı bildirib.

Buna da bax-Azərbaycan müxalifətinin antireferendum planları

Təşviqat qrupları üçün imzatoplama mərhələsi avqustun 22-də başa çatmışdı. Təşviqat qrupunun qeydiyyatından ötrü 40 min imza tələb edilirdi.

MSK referendumla əlaqədar cəmi 3 təşviqat qrupunu qeydiyyata alıb. Bunların biri hakim Yeni Azərbaycan Partiyasının yaratdığı «Yeni Azərbaycan», digərləri isə «Bələdiyyə» və «Vətəndaş Cəmiyyəti» təşəbbüs qruplarıdır.

Həmin təşəbbüs qruplarının üçü də dəyişikliklərin lehinədir.

Buna da bax-Konstitusiyada nələr necə dəyişdirilir? (Müqayisəli mətn)

Dəyişikliklərin əleyhinə olan siyasi qüvvələrdən Milli Şura referendumu elə əvvəlcədən boykot etmək qərarı verib.

REAL hərəkatı da avqustun 22-də prosesdən çəkildiyini elan edib. Hərəkat qərarını hökumətin basqıları ilə izah edib. REAL-ın icraçı katibi Natiq Cəfərli hazırda qanunsuz sahibkarlıq ittihamı ilə həbsdədir.

Konstitusiyaya dəyişiklərlə bağlı referendum sentyabrın 26-da keçiriləcək.

Referendum Aktı layihəsində Azərbaycanda birinci vitse-prezident və vitse-prezidentlər postunun yaradılması nəzərdə tutulur. Habelə, prezidentin səlahiyyət müddəti 5 ildən 7 ilə artırılır. Prezident və parlament seçkilərində yaş məhdudiyyəti aradan qaldırılır. Bütün bunlardan başqa, prezidentə parlamenti buraxmaq səlahiyyəti də verilir.

Sentyabrın 26-da Azərbaycanda hansı hadisə baş verəcək? Sorğu

Sentyabrın 26-da Azərbaycanda hansı hadisə baş verəcək? Sorğu
Gözlə

No media source currently available

0:00 0:00:50 0:00

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG