-
Türkiyə prezidenti Recep Tayyip Erdoğan-ın həyatından bəhs edən "Reis" filminin treylerləri türkdilli internet məkanında yayılmağa başlayıb.
Filmin rejissoru Hüdaverdi Yavuz, prodüsseri Ali Avcıdır. Filmdə hadisələr 1933-cü illərdən başlayır, mərhələ ilə Erdoğanın uşaqlığını, gəncliyini, İstanbul bələdiyyəsinin rəhbəri kimi çalışdığı 1999-cu ilə qədərki dövrləri təsvir olunur.
"Reis" filminin treyleri
"Cumhuriyet" qəzetinin yaydığı məlumata görə "Reis" filmi 5 seriyadan ibarət olacaq və onun ilk seriyasının çəkilişi 5 milyon dollara başa gəlib. Filmin ümumi büdcəsi isə 8 milyon dollardır.
Filmdə Recep Tayyip Erdoğan-ın rolunu Reha Beyoğlu, arvadı Emine Erdoğanın rolunu isə Özlem Balcı oynayıblar.
"Reis"in oktyabrın 14-də efirə çıxacağı gözlənilir.