Keçid linkləri

2024, 29 Mart, Cümə, Bakı vaxtı 17:56

Ceyhun Hacıbəylinin 'Qürbətdən gələn səslər”i “eşidildi'


“Qürbətdən gələn səslər” kitab;
“Qürbətdən gələn səslər” kitab;


Bugünlərdə Ceyhun bəy Hacıbəylinin “Qürbətdən gələn səslər” (Ceyhun bəy Hacıbəylinin mühacirət həyatı) kitabı çapdan çıxıb.

Bakı şəhər Mədəniyyət və Turizm İdarəsinin yaydığı xəbərə görə, kitabda Dövlət Ədəbiyyat və İncəsənət Arxivində qorunan sənədlərdən, müəllifin məktublarından və digər qaynaqlardan istifadə edilib.

Arxivi Ramiz Abutalıbov Parisdən gətirmişdi

Ötən əsrin 90-cı illərində Azərbaycan mühacirət tarixinin yorulmaz araşdırıcısı Ramiz Abutalıbov Ceyhun bəy Hacıbəylinin arxivini Fransadan vətənə gətirib.

Həmin sənədlər arasında Ceyhun bəyin ayrı-ayrı siyasi xadimlərlə yanaşı,qardaşı Üzeyir Hacıbəyliyə də məktubları var.
Yarıməsrlik dövrü (1912-1962-cu illər) əhatə edən bu məktublarda müəllifin Azərbaycanla bağlı yazıları, vətəndə gedən hadisələrə münasibəti əksini tapıb.

Kitabın tərtibçisi Dövlət Ədəbiyyat və İncəsənət Arxivi direktorunun müavini Aslan Kənandır.

Bir də xatırlayın

Ceyhun bəy Hacıbəyıi (1891-Şuşa,1962-Paris) Azərbaycan Cümhuriyyətinin rəsmi mətbu orqanının – “Azərbaycan” qəzetinin redaktoru olub.

1919-cu ildə Paris Sülh Konfransına gedən Azərbaycan nümayəndə heyətinin tərkibinə fransız dilini gözəl bilən Ceyhun bəy də müşavir sifətiylə qatılıb.

Səfərin başlıca hədəfi – Azərbaycan Cümhuriyyətini beynəlxalq aləmdə tanıtmaq olub. Aramsız çalışmalardan sonra nümayəndə heyəti 1920-ci ilin yanvarında Azərbaycan Cümhuriyyətini de-fakto tanıdıb.

1920-ci ilin aprelində cümhuriyyətin işğalı cəmi 28 yaşında böyük arzularla Parisə yollanan Ceyhun bəyi çıxılmaz duruma salıb.

O - Azərbaycan mühacirlərinin ən gənc nümayəndəsi, ovaxtdan Parisdə yaşamağa məcbur qalsa da, müstəqil Azərbaycan savaşını sürdürməkdən vaz keçməyib.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG