Rio Olimpiadasında iranlı ağırlıqqaldıran Kianoush Rostami dünya rekordunu təzələyərək ölkəsinə ilk qızıl medalı qazandırıb.
85 kq çəkidə yarışa qatılan idmançı 396 kq-lıq ağırlığı qaldırıb. O, bununla özünün əvvəlki 395 kq rekordunu da təzələyib.
Çinli Tian Tao isə 395 kq-lıq ağırlıq qaldırıb və gümüş medal qazanıb. Rumıniyalı Gabriel Sincraian bürünc medal alıb.
Rostami Tian-a qalib gəldiyini bilən kimi dizlərini yerə qoyub platformanı öpüb, sonra da başını yuxarı qaldıraraq sanki dua oxuyub.