Bayrağın yeri...

Bu il aprelin 6-da Qarabağda həlak olmuş Zərdab rayon Dəkkə kənd sakini Nurlan Babazadənin məzarı başında dirəkdən asılan Azərbaycan bayrağının götürülməsi sosial şəbəkədə geniş müzakirələrə səbəb olub.

Mərhumun atası Rasim Abdullayev bildirib ki, bayrağı çıxaran icra hakimiyyəti əməkdaşları onu üstünə ataraq, «bunu buradan götür» deyə hörmətsizlik ediblər. Üstəlik, ona məzara bir daha bayraq asılmamasını tapşırıblar.

Gununsesi.info-nun xəbərinə görə, icra başçısı Lütfəli Babayev bayrağın çıxarılması ilə bağlı göstərişi onun verdiyini etiraf edib. 

«Bayrağı harada gəldi, özü də qəbiristanlıqda asmırlar. Həmin bayrağı və plakatı mən sökdürmüşəm», - deyə icra başçısı söyləyib.

​​