Keçmiş Yuqoslaviyanın Dövlət Təhlükəsizlik Komitəsinin (UDBA) iki yüksəkvəzifəli rəsmisinə xorvat işadamı və yazıçı Stjepan Đureković-in qətlinə görə ömürlük həbs cəzası verilib.
Məhkəmə cinayətin törədildiyi Almaniyanın Münhen şəhərində baş tutub.
Keçmiş UDBA rəsmiləri Josip Perković və Zdravko Mustać Almaniyaya sığınan Đureković-in öldürülməsinə kömək etməkdə ittiham olunublar.
Đureković 1983-cü il iyulun 28-də Münhen yaxınlığındakı bir qarajda öldürülmüşdü.
Qətlin baş verdiyi qarajın sahibi Krunoslav Prates də daha əvvəl ömürlük həbs cəzası almışdı.