UEFA Avropa Liqasının üçüncü təsnifat mərhələsi çərçivəsində «Qəbələ» ilə «Lill» (Fransa) klubları arasında keçiriləcək cavab oyununu rusiyalı hakimlər briqadası idarə edəcək.
Avqustun 4-də keçiriləcək görüşün baş hakimi Aleksei Eskov-dur. Ona yan xətt hakimləri Dmitri Mosyakin və Igor Demeshko kömək edəcəklər. Dördüncü hakim funksiyasını isə Vladimir Moskalev yerinə yetirəcək.
«Baksel Arena»da oynanılacaq görüşün start fiti 21:00-da veriləcək.
İyulun 28-də Lill şəhərində iki klub arasında keçirilən ilk oyun 1:1 hesabı ilə başa çatmışdı.
Bu oyunda qolsuz heç-heçə belə «Qəbələ»nin qələbəsini təmin edəcək.