İyulun 28-i Bakı və Abşeron yarımadasında havanın tutulacağı, arabir yağış yağacağı bildirilir.
Ekologiya və Təbii Sərvətlər Nazirliyi Milli Hidrometeorologiya Departamentinin xəbərinə görə, Abşeronda gecə 21-24, gündüz 25-30, Bakıda gecə 22-24, gündüz 27-29 dərəcə isti olacaq.
Ölkənin şimal və qərb rayonlarında da şimşək çaxacağı, yağış yağacağı qeyd edilir. Bəzi yerlərdə yağıntının intensiv olacağı bildirilir. Gecə 18-23, gündüz 26-31, dağlarda gecə 10-14, gündüz 17-22 dərəcə isti ehtimal edilir.