İyulun 14-də Azərbaycan və Ukrayna arasında rəsmi sənədlər imzalanıb.
Azərbaycan Dövlət Gömrük Komitəsinin sədri Aydın Əliyev və Ukrayna Fiskal Xidmətinin rəhbəri Roman Nasirov gömrük orqanlarının qarşılıqlı əməkdaşlığı haqqında sənəd imzalayıb.
İmzalanan başqa bir sənəd 2016-2020-ci illərdə mədəniyyət və incəsənət sahəsində əməkdaşlıq haqqında olub.
Daha sonra İlham Əliyevlə Petro Poroshenko Prezidentlər Şurasının V iclasının protokolunu imzalayıblar.
Ukrayna prezidenti Petro Poroshenko Bakıya iyulun 14-də gəlib. Bu, Poroshenko-nun Azərbaycana ilk səfəridir.