Şəmkir rayonunun Çənlibel kəndinə güclü dolu düşüb.
ANSPRESS-in xəbərinə görə, iyulun 11-i səhər saatlarında başlayan dolu 10 dəqiqəyə yaxın davam edib. Dolunun diametri 3 sm-ə yaxın olub.
Kənd sakinlərinə, evlərə və maşınlara ciddi ziyan dəyməyib.
Ötən gün Ekologiya və Təbii Sərvətlər Nazirliyinin Milli Hidrometeorologiya Departamenti hava şəraitinin kəskin dəyişəcəyini, Azərbaycanın rayonlarında bəzi yerlərdə şimşək çaxacağı, arabir yağış yağacağı gözlənildiyini, leysan xarakterli olacağı, dolu düşəcəyini bildirmişdi.