Keçid linkləri

Təcili xəbərlər
2020, 27 Noyabr, Cümə, Bakı vaxtı 04:06

«Lider Cola» şirkətində partlayış


«Lider Cola»da partlayış

Bakının Xocasən qəsəbəsində gecə saatlarında partlayış olduğu bildirilir.

ANSPESS-in xəbərinə görə, partlayış qəsəbədə yerləşən «Lider Cola» şirkətinə məxsus istehsal fabrikində baş verib.

Sərinləşdirici içkilərə vurulan karbon qazının toplandığı çənin partlaması nəticəsində müəssisənin binasına və eləcə də yaxınlıqdakı evlərə ziyan dəydiyi deyilir.

İlkin məlumatlara görə, 3 ev zədələnib. Partlayış gücü yüksək olduğundan, hadisə yerindən 400 metr aralıda yerləşən yaşayış sahəsinin daş hasarının uçduğu qeyd edilir.

Bədbəxt hadisə nəticəsində ölən və yaralananın olmadığı deyilir. Faktla əlaqədar araşdırma aparılır.

«Lider Cola» şirkəti eyni adlı sərinləşdirici içkilər istehsal edir.

Ötən həftə «Baku Steel Company» şirkətində də iş qəzası nəticəsində partlayış baş vermişdi. Onda isə 5 nəfərin xəsarət aldığı söylənirdi.

XS
SM
MD
LG