Keçid linkləri

Təcili xəbərlər
2021, 14 İyun, Bazar ertəsi, Bakı vaxtı 01:07

Məhəmməd Hatəmi vəfat edib


Məhəmməd Hatəmi Tantəkin

-

Azərbaycanda milli azadlıq hərəkatının öncüllərindən sayılan Məhəmməd Hatəmi Tantəkin bu gecə 81 yaşında vəfat edib.

Bu barədə Milli Dövlətçilik Partiyasının sədri Nemət Pənahlı məlumat yayıb.
O, iyunun 10-da səhhəti kəskin pisləşdiyindən Bakı Sağlamlıq Mərkəzinə yerləşdirilmişdi. Məhəmməd Hatəmi bu gün dəfn ediləcək.

Məhəmməd Hatəmi Tantəkin milli-azadlıq mübarizəsinin ilk təşkilatlarından «Çənlibel» cəmiyyətinin qurucuları sırasında yer alıb. 1988-ci il noyabrın 17-də keçmiş «Lenin», indiki «Azadlıq» meydanında başlanan ümumxalq mitinqlərinin təşkilatçılarından biri olub. 1988-ci il dekabrın 4-də sovet qoşunları meydanı dağıdandan sonra həbs edilib.

M.Hatəmi 90-cı illərdə Milli Qurtuluş Partiyasını təsis etdi. Qarabağ cəbhəsində «Milli Qurtuluş» batalyonunda döyüşlərdə olub.

1993-cü ildə hakimiyyət dəyişikliyindən sonra M.Hatəmi yenə də köhnə iş yerinə, Milli Elmlər Akademiyasına qayıdaraq, folklorşünas kimi elmi işlərini davam etdirib.

O, son illər ictimaiyyət arasında görünmürdü.

XS
SM
MD
LG