-
Bu gün - iyunun 14-də Azərbaycanda 2015/2016-cı dərs ili başa çatır. Bütün ümumtəhsil müəssisələrində «Son zəng» mərasimləri keçirilir.
APA Təhsil Nazirliyinə istinadən bildirir ki, bu il ümumtəhsil müəssisələrinin IX siniflərini 110 min 222, XI siniflərini isə 88 min 591 şagird bitirir.
Növbəti dərs ilində isə orta məktəblərin I siniflərinə 164 min 33 şagirdin qəbul olunacağı proqnozlaşdırılır.
Təhsil nazir Mikayıl Cabbarov «Son zəng» tədbirlərinin keçirilməsi barədə əmr imzalayıb. Əmrə əsasən, «Son zəng» tədbirləri iyunun 14-də yalnız müəssisənin ərazisində təşkil olunmalıdır.