Keçid linkləri

2017, 25 May, Cümə axşamı, Bakı vaxtı 20:30

Avropa çempionatı tarixində ən çox qol vuranlar


Michel Platini

"Goal.com" saytı Avropa çempionatları tarixində ən çox qol vuran futbolçularının siyahısını dərc edib.

15 futbolçunun yer aldığı siyahının başında Mişel Platini gəlir.

O, 1984-cü il Avropa çempionatında keçirdiyi 5 oyunda 9 qol vuraraq bu çempionatın tarixində ən məhsuldar futbolçu olub.

İngiltərə millisinin keçmiş hücumçusu Alan Şirer 7 qolla ikinci, Hollandiya yığmasının keçmiş futbolçusu Rud van Nistelroy isə üçüncü olub.

Siyahı belədir.

1. Mişel Platini (Fransa) - 1984-cü il Avropa çempionatında keçirdiyi 5 oyunda 9 qol vurub.

2. Alan Şirer (İngiltərə) - 1992, 1996, 2000-ci illər Avropa çempionatında keçirdiyi 9 oyunda 7 qol vurub.

3. Rud van Nistelroy (Hollandiya) - 2004, 2008-ci illər Avropa çempionatında keçirdiyi 8 oyunda 6 qol vurub.

4. Patrik Klüyvert (Hollandiya) 1996, 2000-ci illər Avropa çempionatında keçirdiyi 9 oyunda 6 qol vurub.

5. Zlatan İbrahimoviç (İsveç) - 2004, 2008, 2012-ci illər Avropa çempionatında keçirdiyi 10 oyunda 6 qol vurub.

6. Tyeri Anri (Fransa) - 2000, 2004, 2008-ci illər Avropa çempionatında keçirdiyi 11 oyunda 6 qol vurub.

7. Kriştiano Ronaldo (Portuqaliya) - 2004, 2008, 2012-ci illər Avropa çempionatında keçirdiyi 14 oyunda 6 qol vurub.

8. Nuno Qomeş (Portuqaliya) - 2000, 2004, 2008-ci illər Avropa çempionatında keçirdiyi 14 oyunda 6 qol vurub.

9. Savo Miloşeviç (keçmiş Yuqoslaviya) - 2000-ci il Avropa çempionatında keçirdiyi 4 oyunda 5 qol vurub.

10. Ueyn Runi (İngiltərə) - 2004, 2012-ci illər Avropa çempionatında keçirdiyi 6 oyunda 5 qol vurub.

11. Marko van Basten (Hollandiya) - 1988, 1992-ci illər Avropa çempionatında keçirdiyi 9 oyunda 5 qol vurub.

12. Milan Baroş (Çexiya) - 2004, 2008, 2012-ci illər Avropa çempionatında keçirdiyi 11 oyunda 5 qol vurub.

13. Yurgen Klinsman (Almaniya) - 1988, 1992, 1996-cı illər Avropa çempionatında keçirdiyi 13 oyunda 5 qol vurub.

14. Fernando Torres (İspaniya) - 2004, 2008, 2012-ci illər Avropa çempionatında keçirdiyi 13 oyunda 5 qol vurub.

15. Zinəddin Zidan (Fransa) - 1996, 2000, 2004-cü illər Avropa çempionatında keçirdiyi 14 oyunda 5 qol vurub.

Günün bütün mövzuları

XS
SM
MD
LG