Papanın səfər proqramı hazırlanır

-

Vatikanın Cənubi Qafqaz üzrə xüsusi nümayəndəsi, nunsi Marek Solçinski mayın 15-dən 17-nə kimi Azərbaycanda səfərdə olub.

Onun gəlişində məqsədin Roma Papası Frantsiskin Bakıya qarşıda duran səfərinin proqramını və gündəliyini müzakirə etmək olduğu bildirilir.

Turan-ın xəbərinə görə, bu barədə Roma Katolik Kilsəsinin nümayəndəsi Vladimir Fekete danışıb.

M.Solçinskinin Qafqaz Müsəlmanları İdarəsinin rəhbəri Allahşükür Paşazadə, habelə Azərbaycan rəsmiləri ilə görüşdüyü, oktyabrın 2-nə nəzərdə tutulan səfərin proqramını müzakirə etdiyi bildirilir.

Roma Papası Frantsiskin sentyabrın 30-da Gürcüstana səfər edəcəyi gözlənilir. Onun oktyabrın 2-də də Bakıya gəlməsi planlaşdırılır.