-
İstəmədim, heç nə
demək istəmədim sənə.
Gözlərində iki çılğın ağac gördüm,
gülüşdən, mehdən, qızıldan iki ağac.
Yellənirdilər, istəmədim.
Sənə heç nə demək istəmədim.
***
Ölsəm
Açıq qoyun balkonu.
Uşaq portağal yeyir.
(Balkonumdan görürəm onu.)
Əkinçi zəmi biçir.
(Balkonumdan duyuram onu.)
Ölsəm
Açıq qoyun balkonu!
***
Axşam layla oxuyur
portağallara.
Bacım mahnı oxuyur:
"Dünya bir portağaldır"
və ağlamsınıb deyir:
Portağal olmaq istərdim.
Olmaz, quzum,
nə qədər istəsən də.
Olmaz, dönsən belə,
balaca bir limona.
Olmaz.
Heyif.