-
Ukrayna Mərkəzi Bankı əsas faiz dərəcəsini 22 faizdən 19-a salıb. Bunu qiymət sabitliyinə riskin əsaslı azalmasıyla izah edib.
Milli Bank aprelin 21-də bildirib ki, deflyasiya davam edərsə və ölkəyə 17.5 milyard dollarlıq kreditin verilməsi bərpa olunarsa, faiz dərəcəsi daha da azaldıla bilər.
«İndi əsas risk Beynəlxalq Valyuta Fonduyla əməkdaşlığın bərpasında yubanmadır», - bank bildirir.
Bank bu il üçün inflyasiya gözləntisini 12 faizdə saxlayıb. Bildirib ki, BVF əməkdaşlığı bərpa edərsə, kapitala nəzarəti yumşalda bilər.
Ölkənin yeni maliyyə naziri Oleksandr Danylyuk bildirib ki, BVF-nin 1.7 milyard dollarlıq krediti gələn aydan verilə bilər.