-
Milli Məclisin aprelin 26-da keçiriləcək iclasında 7 məsələnin müzakirəsi gözlənilir.
«Report»un xəbərinə görə, iclasda əvvəlcə İnsan Alverinə qarşı mübarizə üzrə Milli Koordinatorun illik məlumatı dinlənəcək.
Daha sonra «Uşaq hüquqları haqqında» yeni qanun layihəsi müzakirəyə çıxarılmalıdır.
«Telekommunikasiya haqqında», «Kütləvi informasiya haqqında», «Polis haqqında», «Cinayət işlərinə dair hüquqi yardım haqqında» və «Cinayət törətmiş şəxslərin verilməsi haqqında» qanuna da dəyişikliklər edilməsi gündəlikdədir.
İnsan Alverinə qarşı mübarizə üzrə Milli Koordinatorun illik məlumatını daxili işlər nazirinin birinci müavini Vilayət Eyvazov təqdim edəcək.