Bəs onda razılığa niyə gəlinmədi?
Rusiya energetika naziri Aleksandr Novak bəyan edib ki, OPEK-in Doha görüşündə razılığa gəlinməməsində Səudiyyə Ərəbistanı ilə İranın günahı yoxdur:
«Düşünürəm ki, şərtlərə fərqli yanaşıldığından razılaşma əldə edilmədi. Hasilatın «dondurulmasına» gəlincə, başda Səudiyyə Ərəbistanı, bütün ölkələr bunun məqsədəuyğun addım olduğunu təsdiqlədilər. İrana qarşı ittihamlarsa tam əsassızdır. Ən azı ona görə ki, bu ölkə danışıqlara qatılmamışdı».
Super Mario oyununda dünya rekordu
Amerikalı məktəbli Super Mario Bros. oyununda rekord vurduğunu göstərən video yayıb. O, bu videoda bütün yolu keçib, oyunu başa vurmağa 4 dəqiqə 57 saniyə və 260 milli saniyə vaxt sərf edir. Bundan əvvəlki rekord 4 dəqiqə 57 saniyə 427 millisaniyə idi. Rekord cəmi 167 millisaniyə təzələnib.
Youtube-da Darbian adlı istifadəçinin qoyduğu videoya 5 günə 1,9 milyon adam baxıb.
Super Mario Bros. Guinnesin rekordlar kitabına düşüb. O, tarixdə ən çox satılan oyundur.
İki rəqib şirkətin buldozerlərlə davası
Çində iki rəqib tikinti şirkətinin işçiləri buldozerlərlə davaya çıxıblar. Bunu South China Morning Post qəzeti yazır. Davaya yalnız polisin gəlməyi ilə son qoya biliblər.
"Panama sənədlərində" adı hallanan erməni general istefa verdi
Ermənistanda Ədliyyə Nazirliyinin Məhkəmə qərarlarının icbari icrası xidmətinin rəisi, general-mayor Mihran Poghosyan "Panama Sənədləri" ilə bağlı qalmaqalda dının hallanması səbəbindən istefa ərizəsi yazıb.