-
Aprelin 16-da Yaponiyada 7.3 bal gücündə zəlzələ nəticəsində ölənlərin sayı 19-a çatıb. Dağıntılar altında qalanlar var.
Zəlzələ ölkənin cənubundakı Kumamoto şəhərinin yaxınlığında gecə baş verib.
Yaponiyanın baş naziri Shinzo Abe geniş ərazidə yayılan ziyanla bağlı xəbərdarlıq edib. Avtomobil və elektronika malları istehsal edən zavodlar işini dayandırıb. Minlərlə ev elektriksiz qalıb.
Aprelin 15-də də Yaponiyada 6.4 bal gücündə yeraltı təkanlar 9 nəfərin həyatına son qoymuş, bir neçə nəfər yaralanmışdı.