Keçid linkləri

2024, 19 May, bazar, Bakı vaxtı 21:28

Bank VTB (Azərbaycan)-nın susmaqlığı


Bank VTB
Bank VTB

-

«Bank VTB» (Ermənistan) Dağlıq Qarabağda gedən son hərbi əməliyyatlarda həlak olan və itkin düşən şəxslərin borcunu silmək barədə qərar verib. Bankın mətbuat xidmətinə istinadla, «RIA-Novosti»nin diqqətə çatdırdığı xəbərdə bu addımın «onlara dəstək məqsədilə» atıldığı deyilir.

ERMƏNİSTANDA 100 FAİZ, AZƏRBAYCANDA - 51

Rusiyanın VTB bankı (səhmlərin 60 faizi dövlətə məxsusdur) Azərbaycanda da təmsil olunur. Bu bank Ermənistandakı banka tam nəzarət etsə də, «Bank VTB Azərbaycan» ASC-nin səhmlərinin 51 faizinə sahibdir. Maraqlıdır ki, bu bank borcların bağışlanmasına dair eyni qərar barədə hələ heç bir açıqlama verməyib. İctimaiyyət belə davranışı birmənalı qarşılamayıb.

Hüquqşünas Əkrəm Həsənov bu gün – aprelin 9-da ictimaiyyətə üz tutaraq, «Bank VTB»nin Ermənistandakı qərarını kəskin tənqid edib. Onun fikrincə, Azərbaycan Neft Fondunun Rusiyada yarım milyard dollarlıq kapitalla səhmdarı olduğu bu bankın həmin addımı qəbuledilməzdir:

«BİZİ NARAHAT EDƏN...»

«Bizi narahat edən «Bank VTB»nin bizim pulumuzdan da yararlanaraq, erməni hərbçilərinə dəstək olması və Qarabağda qanunsuz fəaliyyətidir».

«Bank VTB Azərbaycan» ASC-nin səhmlərinin 48.99 faizi «AtaHolding» ASC-yə məxsusdur. Holdinq İdarə Heyətinin və «Bank VTB Azərbaycan» ASC Müşahidə Şurasının üzvü Rəşad Rəsullu məsələyə münasibətini bu sözlərlə dilə gətirib: «Səhmdar kimi tərəfimizdən lazımi addımlar atılacaq». O, konkret hansı addımların atılacağını dəqiqləşdirməyib.

Qeyd edək ki, ARDNF «Bank VTB Holding» qrupu səhmlərinin 3 faizinə sahibdir. Qrupun Müşahidə Şurasının üzvlərindən biri də fondun icraçı direktoru Şahmar Mövsümovdur.

Hələlik, nə «Bank VTB Azərbaycan» ASC, nə də ARDNF məsələ ilə bağlı açıqlama verməyib.

AzadlıqRadiosu Jurnalistika üzrə Təqaüd Proqramı elan edir

AzadlıqRadiosunda iş

Azad Avropa/Azadlıq Radiolarına

İcraçı prodüser

Sosial media reportyoru/prodüseri

Sosial media redaktoru

tələb olunur

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG