-
Prezident İlham Əliyev aprelin 5-də ABŞ-ın Nevada Ştat Assambleyasının sədri John Hambrick-i qəbul edib.
AZƏRTAC-ın xəbərinə görə, İlham Əliyev ABŞ-a son səfərini məmnunluqla xatırladaraq, bu ölkənin rəhbərliyi ilə çox səmərəli görüşlər keçirdiyini deyib. Ölkə başçısı ABŞ prezidenti Barack Obama-nın təşəbbüsü ilə təşkil olunan Nüvə Təhlükəsizliyi Sammitinin önəmindən danışıb.
İlham Əliyev Azərbaycanın ABŞ-ın ayrı-ayrı ştatları, o cümlədən Nevada ştatı ilə əlaqələrinin inkişafından məmnunluğunu ifadə edib.
John Hambrick isə Nevada ştatının parlamentinin Azərbaycana dəstək ifadə edən qətnamə qəbul etməsindən, Bakıda keçirdiyi görüşlərdən danışıb.