-
Azərbaycan Xarici İşlər Nazirliyinin mətbuat xidməti açıqlama yayıb.
Məlumatda bildirilir ki, aprelin 3-də Azərbaycan Silahlı Qüvvələrinin əməliyyatları birtərəfli qaydada dayandırmasına Ermənistan tərəfi təxribatla cavab verib. Azərbaycanın mövqeləri, mülkü əhalinin yaşadığı məntəqələr artilleriya və digər ağır silahlarla atəşə tutulub.
Məlumatda qeyd edilir ki, Ermənistan tərəfi yaşayış məntəqələrini və mülki şəxsləri hədəfə alaraq atəşkəsi pozmaqda davam edəcəyi təqdirdə, baş verənlərə görə məsuliyyət onların üzərində qalacaq.