-
Bakı şəhərində keçiriləcək «Formula-1» yarışına hazırlıq işləri ilə əlaqədar bəzi küçələrdə nəqliyyat vasitələrinin hərəkəti məhdudlaşdırılıb. Bura Neftçilər prospektinin Zərifə Əliyeva küçəsi ilə kəsişməsindəki zolaqlar və Əziz Əliyev küçəsi aiddir.
Xəbəri Nəqliyyatı İntellektual İdarəetmə Mərkəzi yayıb.
Artıq bundan irəli gələrək, Yusif Səfərov, Neftçilər və Üzeyir Hacıbəyov küçələrində nəqliyyat vasitələrinin hərəkətində sıxlıq müşahidə olunur. Sürücülərə alternativ yollardan istifadə etmələri tövsiyə olunur.
Bakıda «Formula-1» Avropa Qran-pri yarışları iyunun 17-19-da keçiriləcək və 2021-ci ilə kimi hər il davam edəcək.